Tilla taqinchoqlarni noqonuniy ravishda Hindiston hududiga olib kirishga uringan O‘zbekiston fuqarolari to‘xtatib qolindi. Bu haqda Hindiston Bojxona departamenti xabar berdi.
Ma’lum qilinishicha, Indira Gandi nomidagi xalqaro aerportda Toshkentdan uchib kelgan besh nafar erkak va uch nafar ayol tekshiruvdan o‘tkazilgan. Ularning yonidan umumiy og‘irligi 5,3 kilogrammga teng 50 dona tilla zanjir topilgan.
Ushbu zargarlik buyumlari yuk aravachasi paneliga qotirilgan metall quti ichiga yashirilgan bo‘lgan.
“Musodara qilingan mazkur tilla taqinchoqlarning taxminiy qiymati 2,92 kror rupiyga (35 ming AQSH dollari atrofida) teng”, — deyiladi xabarda.
Aprel o‘rtalarida Hindistonda Indira Gandi aeroportidan 3,2 kilogramm oltinni noqonuniy olib o‘tmoqchi bo‘lgan o‘zbekistonlik erkak ushlangan edi. O‘zbekiston fuqarosi Dubay reysini amalga oshirish uchun Chandigarh aeroportiga qochib ketgan payti qo‘lga tushgan.
Izoh (0)