Diametri 1 kilometrgacha chiqadigan potensial xavfli asteroid 6037 (1988 EG) 23-avgust kuni Yerdan taxminan 6 million kilometr uzoqlikda uchib o‘tadi. Bu haqda NASA’ning Yerga yaqin obyektlarni o‘rganish markazi matbuot xizmati xabar berdi.
Obyekt 23-avgust kuni, Toshkent vaqti bilan soat 13:18 da sayyoraga maksimal yaqin keladi. Hisob-kitoblarga ko‘ra, samoviy jism va Yer orasidagi minimal masofa deyarli 6,1 million kilometrni tashkil qiladi. Yer orbitasini 7,5 million kilometrdan kam masofada kesib o‘tadigan obyektlarning barchasi potensial xavfli hisoblanadi.
Olimlar taxminiga ko‘ra, asteroidning diametri 430 dan 960 metrgacha, tezligi esa sekundiga 14,25 kilometrni tashkil etadi. Olimlar ushbu obyekt Yer orbitasini kesib o‘tsa-da, uning sayyora bilan to‘qnashish xavfi yo‘qligini aytdi.
6-avgust kuni uzunligi 137 metr bo‘lgan asteroid Yerdan 3,8 million kilometr masofada uchib o‘tgani xabar qilingandi. Koinot obyektining tezligi 76 752 km/soat bo‘lgan.
Izoh (0)