Toshkentning qator hududlarida kuz-qish mavsumiga tayyorgarlik doirasida gaz taʼminoti qisman to‘xtatiladi. Bu haqda “Hududgaz Poytaxt” matbuot xizmati xabar berdi.
Qayd etilishicha, 9-avgust kuni Mirobod, Yakkasaroy, Yangihayot va Sergeli tumanlari gaz taʼminoti tizimida taʼmirlash va sozlash ishlari olib boriladi. Shu munosabat bilan baʼzi mahalla va ko‘chalarda vaqtincha gaz taʼminoti to‘xtatiladi.
Mirobod tumanida soat 10:30 dan 17:00 gacha:
- “Baynalminal” MFYda qisman.
Yakkasaroy tumanida soat 10:30 dan 17:00 gacha:
- “Abdulla Qahhor” MFYda qisman;
- Kichik Beshyog‘och ko‘chasida qisman;
- KHAYda qisman;
- Oq yo‘l ko‘chasida qisman.
Yangihayot tumanida soat 9:00 dan 18:00 gacha:
- “Fayzli” MFY Qipchoq ko‘chasida qisman.
Sergeli tumanida soat 11:00 dan 16:00 gacha:
- “Madaniyat” MFYda qisman;
- “Xalqobod” MFYda qisman;
- “Birdamlik” MFYda qisman;
- “Shukrona” MFYda qisman;
- “Qo‘shqo‘rg‘on” MFYda qisman.
“Hududgaz Poytaxt” GTF noqulayliklar uchun uzr so‘raydi.
Shuningdek, Toshkentning ayrim hududlarida 9-avgust kuni elektr energiyasi ta’minoti vaqtincha to‘xtatiladi.
- Yunusobod tumani: “Mingchinor” MFYning ayrim ko‘chalarida soat 09:00 dan 15:00 gacha;
- Bektemir tumani: “Nurli yo‘l” MFYning ayrim ko‘chalarida soat 09:00 dan 17:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
Bundan oldin O‘zbekistonda 2023-yilning 6 oyida elektr energiyasidan noqonuniy foydalanish tufayli 78,5 milliard so‘m, tabiiy gazdan noqonuniy foydalanish sababli esa 231 milliard 866 million so‘m zarar ko‘rilgani to‘g‘risida xabar berilgandi. Iyul oxirlarida Yashnobod, Olmazor, Mirobod, Yakkasaroy, Shayxontohur, Chilonzor va Sergeli tumanlarining ba’zi hududlarida yuklama sabab elektr energiyasi ta’minotiga vaqtincha cheklovlar kiritilgan edi. Avgust boshlarida esa Toshkentning qator tumanlarida elektr, issiq suv va gaz ta’minotlari vaqtincha to‘xtatilgan.
Izoh (0)