Sudanda armiya va maxsus kuchlar o‘rtasida davom etayotgan mojaro tufayli 20 milliondan ortiq kishi ochlikdan aziyat chekmoqda. Bu haqda “Al-Hadath” telekanali BMT agentliklari ma’lumotlariga tayanib xabar berdi.
Hisob-kitoblarga ko‘ra, 20,3 million kishi yoki mamlakat aholisining 42 foizi oziq-ovqat bilan ta’minlanmagan va bu raqam kutilganidan tezroq o‘sib bormoqda.
Telekanal ma’lumotlariga ko‘ra, eng ko‘p zarar ko‘rgan hududlar Xartum va mamlakatning g‘arbiy mintaqasi – Darfur, shuningdek, aprel oyi o‘rtalaridan beri to‘qnashuvlar to‘xtamagan Kordofanning ba’zi hududlari hisoblanadi.
Oziq-ovqat yetkazish tizimining uzilishi, shuningdek, infratuzilmaga katta zarar yetkazilishi vaziyatni yanada og‘irlashtirmoqda.
Avvalroq BMT avgust oyiga kelib Sudanda 19,1 million kishi ochlikdan aziyat chekishi mumkinligi haqida ma’lum qilgandi.
Izoh (0)