Yetilib pishgan qovunni to‘g‘ri tanlash bo‘yicha tavsiyalar

Pishgan va shirin qovunni tanlash qiyin emas, asosiysi sotib olayotganda nimaga e’tibor berish kerakligini bilishdir.

Shirin va yangi hid

Yetilib pishgan qovun o‘ziga xos xushbo‘y hidga ega — shirin, ammo “achimsiq” yoki “noodatiy” bo‘lmasligi kerak, yaxshi qovundan asal va vanilin hidlari qorishib ketgan hid ufuradi. Poliz mahsulotining “dum” va “burun” sohasini hidlab ko‘ring. Mexanik shikastlanish bo‘lmagani bilan u shu joylardan chiriy boshlaydi. Shuningdek, qovunni kaft bilan ishqalab, hidlab ko‘rish kerak.

Yangi, ayniqsa, “yashil” o‘tli hid pishmagan mevaga xosdir. Shirin, “bo‘g‘uvchi”, nordon, namlikni eslatuvchi hid mevaning pishib o‘tib ketganidan va, albatta, chiriy boshlaganidan darak beradi.

Agar meva tashqi tomondan odatdagidek ko‘rinmasa, undan umuman hid taralmasa, sotib olmagan ma’qul.

Poyaning turi

Sopi yoki dumining ko‘rinishi pishgan va shirin qovun tanlashning asosiy mezonlaridan biridir. Qovun poyasi mustahkam, quruq, jigarrang-oq rangli bo‘lishi, mog‘or va chirishning hech qanday izi bo‘lmasligi kerak. Patogen mikrofloraning yo‘qligini baholab, unga ham e’tibor bering.

Kesib tashlangan dum — bu tovarlarning nisbatan past sifatini yashirishga harakat qiladigan ko‘plab vijdonsiz sotuvchilarning eski hiylasidir.

Hajmi

O‘rtacha hajm va vazndagi qovun tanlash lozim. Qovunlarning eng kichigini ham, eng kattasini ham olmang. O‘rtacha vazn qovun naviga bog‘liq. Taxminan bir xil o‘lchamdagi ikkita qovundan og‘irrog‘ini sotib oling. Bu ko‘proq shiralilikni ko‘rsatadi. Pishgan qovun ko‘tarib ko‘rganda hajmiga ko‘ra og‘irligini “ko‘z bilan” chamalash mumkin.

Qovun tumshug‘ining yumshoqligi

Yetilib pishgan qovun “tumshug‘i” terining qolgan qismiga qaraganda biroz yumshoqroq bo‘lib, bu barmoq bilan yengil bosilganda bilinadi.

Biroq bosilgandan so‘ng, hech qanday barmoq izi qolmasligi kerak. Haddan tashqari yumshoq “tumshuq” sotib olmaslik uchun sababdir.

Qobig‘i

Ko‘pgina navlarning terisi juda zich va elastik bo‘ladi. Agar uni barmog‘ingiz bilan bossangiz, uning qanday qilib biroz harakatlanishini va o‘z holiga tezda qaytishini kuzatasiz. Ammo pishmagan qovun bosilmaydi. Uning terisi xuddi tarvuznikidek qattiq bo‘ladi.