Qirg‘iziston prezidenti Sadir Japarov jiyani Ulan Japarovning hibsga olinishiga izoh berdi. Bu haqda Kabar axborot agentligiga xabar berdi.
Ichki ishlar vazirligi Ulan Japarovni bojxonadagi korrupsion sxemalarda ishtirok etganlikda gumon qilib qo‘lga olgandi. U prezident amakivachchasi Raqimjon Japarovning o‘g‘li. Ulan Japarov hozirda tergov izolyatorida hibsda saqlanmoqda.
Japarov “hammaga birdek munosabatda bo‘lish kerak”, deb ta’kidladi. Agar biror kishi korrupsiyaga aloqador bo‘lsa, u kim bo‘lishidan qat’i nazar, qamoqqa olinishi kerakligini bildirdi.
“Davlatga ikki barobar zararni qoplaganingdan keyingina ozod etilasan. To‘lamasang, ketolmaysan. U mening ukam, deb jinoyatchini qo‘lga olishiga yo‘l qo‘ymasam, boshqa aka-ukalar ham aralasha boshlaydi. Qirg‘izlarda yaxshi ibora bor: Birning jazosi mingga saboq. Bu mening izohim”, — dedi Japarov.
Avvalroq Qirg‘iziston prezidenti matbuot kotibi rahbari prezident tanish-bilish va qarindosh-urug‘ligidan qat’i nazar, har kim o‘z qilmishi uchun qonun bo‘yicha javob berishi haqida ogohlantirganini aytgandi.
Izoh (0)