Qrim ko‘prigida portlashlar sodir bo‘ldi, deb yozmoqda Rossiya va Ukraina OAVlari. Ayni vaqtda ko‘prikda harakatlanish to‘xtatilgan, Krasnodar o‘lkasidan ko‘prikka kiraverishda ulkan tirbandlik yuzaga kelgan. Politsiya yuzlab mashinalarni ortga qaytargan.
Baza Telegram-kanali ko‘prikning oraliq qismlaridan biri qulab tushgani va dastlabki ma’lumotlarga ko‘ra, ikki kishi halok bo‘lgani, yana bir kishi jarohatlangani haqida yozmoqda.
Qrim rahbari Sergey Aksyonov “Qrim ko‘prigida favqulodda holat yuz berdi”, deya xabar qilgan. U “ko‘prik orqali harakatlanishdan tiyilishga va xavfsizlik nuqtayi nazaridan yangi hududlar orqali muqobil yo‘lni tanlashga” chaqirgan.
Eslatib o‘tamiz, 2022-yilning 8-oktabr kuni yuk mashinasi Qrim ko‘prigining avtomobil qismida portlab ketgandi. Shu bilan birga, Krasnodar o‘lkasi tomon harakatlanayotgan ko‘prikning temiryo‘l qismida bo‘lgan poyezdda yettita yonilg‘i baki yonib ketgan.
Ko‘prikning ikkita avtomobil qismi qulab tushgan, oqibatda to‘rt kishi halok bo‘lgan. Rossiya hodisani terakt deb baholab, jinoiy ish qo‘zg‘atgan.
Izoh (0)