Bosh prokuratura huzuridagi Departamentning Navoiy viloyat boshqarmasi tomonidan o‘tkazilgan tezkor tadbirda 85 tonna ko‘mirni soxta yuk xati bilan olib ketayotgan ombor mudiri ushlandi.
Ma’lum bo‘lishicha, “Ko‘mir ta’minot” AJning Navoiy filiali “Zarafshon” ko‘mir omborxonasi mudiri F.O. (muqaddam sudlangan) o‘zining moddiy javobgarligida bo‘lgan Zarafshon shahridagi ijtimoiy soha tashkilotlari uchun ajratilgan 85 tonna ko‘mirni sotish maqsadida soxta yuk xatlari orqali Howo yuk mashinasida olib ketayotganida Buxoro viloyati “Sarmijon” YPX maskanida to‘xtatilib, ushbu ko‘mir mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)