“Boquvchimiz yurak operatsiyasiga muhtoj” — qashqadaryolik ayol turmush o‘rtog‘ini davolatish uchun xalqdan yordam so‘ramoqda (foto)

“Mehridaryo” loyihasiga qashqadaryolik Matluba Quchchiyeva murojaat qilib, yurak kasalligi bilan og‘riyotgan turmush o‘rtog‘ini operatsiyasi qildirish uchun xalqdan yordam so‘radi. 

— Turmush o‘rtog‘im Ro‘zimuhammad Qurbonovda tug‘ma yurak parogi aniqlanganiga ko‘p bo‘lgani yo‘q. Shifokorlar uni zudlik bilan operatsiya qildirish kerakligini aytishyapti. Jarrohlik amaliyoti Hindistonda o‘tkazilar ekan, bu taxminan 20 ming AQSH dollari bo‘lishini aytishdi. Bizda buncha pul yo‘q, turmush o‘rtog‘im oilamizning yolg‘iz boquvchisi edi. Salomatligi yomonlashgani sabab u ham bir necha oydan buyon ishlamayapti. Ikkita yosh bolam bo‘lgani uchun men ham ishga chiqolmayman. Uyimiz yo‘q, ikkita kelin bir hovlida yashaymiz. Moddiy imkoniyatimiz yetarli bo‘lmagani uchun turmush o‘rtog‘imni davolatolmayapmiz. Yaxshi insonlar, bizga yordam beringlar. Turmush o‘rtog‘im davolanib, farzandlarimiz kamolini ko‘rishini orzu qilaman, — deydi bemorning turmush o‘rtog‘i.

Ro‘zimuhammad Qurbonovga xayriya qilishni istasangiz,

6262 5700 0824 6649

(Ro‘zimuhammad Qurbonov)

Murojaat uchun telefon: +99893 107-50-18