Janubiy Afrika Respublikasining g‘arbiy qismiga Antarktidadan sovuq havo massalari kelishi bilan Afrika janubida qor yog‘di. Bu haqda Al Jazeera xabar berdi.
![](/static/2023/zulfiya/photo_2023-07-10_22-51-29.jpg)
Ma’lum qilinishicha, G‘arbiy Keyp provinsiyasining turli hududlarida 10 soatdan davomida qor yog‘moqda. 2023-yil avvalgilaridan farqli o‘laroq, nafaqat tog‘li hududlarda, balki viloyatning ko‘plab shahar va tumanlarida qor yog‘di. Yo‘llarni muz qopladi, rasmiylar haydovchilarni o‘ta ehtiyotkor bo‘lishga chaqirgan.
![](/static/2023/zulfiya/photo_2023-07-10_22-51-28.jpg)
Yoxannesburg va Pretoriyada havo harorati nol darajadan pastga tushgan. Meteorologiya xizmati yaqin soatlarda mamlakat janubi-sharqidagi KvaZulu-Natal provinsiyasida qor yog‘ishi kutilishi haqida ogohlantirgan.
![](/static/2023/zulfiya/photo_2023-07-10_22-51-36.jpg)
Janubiy Afrika Respublikasi janubiy yarimsharda joylashgan bo‘lib, u yerda qish iyul oyining o‘rtalarida eng yuqori darajaga yetadi. Hozirgi sovuq Afrika janubiga Antarktidadan kelgan.
“Biz oxirgi marta bunday ob-havoni 2012-yilda ko‘rgan edik”, — deydi JAR meteorologiya xizmatining katta sinoptikchisi Puseletso Mofokeng.
![](/static/2023/zulfiya/photo_2023-07-10_22-51-41.jpg)
![](/static/2023/zulfiya/photo_2023-07-10_22-51-46.jpg)
![](/static/2023/zulfiya/photo_2023-07-10_22-51-53.jpg)
![](/static/2023/zulfiya/photo_2023-07-10_22-51-56.jpg)
![](/static/2023/zulfiya/photo_2023-07-10_22-52-01.jpg)
Izoh (0)