Fransiya hukumati tartibsizliklar paytida amaldorlarni himoya qilish uchun mablag‘ ajratadi

Fransiya hukumati mamlakatdagi tartibsizliklar fonida saylangan deputatlar va shahar merlarini himoya qilish dasturiga, jumladan, huquqiy va psixologik yordamga besh million yevro ajratadi, dedi hududlar bo‘yicha vazir delegati Dominik For “Monde” nashriga bergan intervyusida.

“Hukumat so‘nggi kunlarda L’Ay-le-Rose, Montlukon yoki Pontuazda mahalliy saylangan amaldorlarga qilingan hujumlarga qarshi samaraliroq kurashishga harakat qilmoqda”, deb yozdi nashr.

Rasmiylar huquqiy himoya, psixologik yordam, maxsus xizmatlarga qo‘ng‘iroq qilish va mansabdor shaxsning geolokatsiyasini aniqlash uchun “tezkor yordam tugmasi”, hokimiyat yoki merning uyi oldidagi hududlarni qo‘riqlash moslamalari va boshqalarni taqdim etish niyatida.

Hokimiyatning merlar va deputatlarni himoya qilishga qaratilgan sa’y-harakatlari ularga nisbatan hujumlar sonining ko‘payishi bilan bog‘liq.

“Frantsiyada saylangan amaldorga hujum qilishni hech qanaqasiga qabul qilib bo‘lmaydi”, — dedi For o‘z fikrlarini yakunlar ekan.