Faol rivojlanayotgan mimikaga ega Ameca nomli insonga o‘xshash robotni yaratgan Britaniyaning Engineered Arts kompaniyasi o‘z ishlanmalarini yana bir bor yaxshiladi. Bu safar robotga Stable Diffusion kiritildi, shu tufayli u rasm chizish funksiyasiga ega bo‘ldi.
Ameca neyron tarmoqqa so‘rov yuboradi, natijada olingan tasvirni soddalashtiradi, so‘ngra doskaga kerakli chiziqlarni chizish uchun marker harakatining trayektoriyasini hisoblab chiqadi.
Videoda Ameca muhandisning iltimosiga ko‘ra, yoqimtoy mushuk suratini chizganini ko‘rish mumkin va shu bilan birga u insonlar mushuklarni nima uchun bunchalik yaxshi ko‘rishlari haqida gapirib beradi. To‘g‘ri, mulohaza yuritish jarayonida robot “siz” emas, “biz” va “men” deb gapiradi, ya’ni u o‘zini inson, omma deb biladi.
Video yakunida Ameca muhandisdan chizilgan rasm haqidagi fikrini so‘raydi. Muhandis esa bu shunchaki eskiz ekanini aytadi. Ameca esa: “Agar chizgan suratimni yoqtirmagan bo‘lsangiz, demak, san’atni tushunmas ekansiz”, — deb javob beradi.
Hozirda ijodkorlar Ameca’ning yangi mahoratini monetizatsiya qilmoqda: YouTube videosi tavsifida ijodkorlar robotdan chizma va uning yaratilishi aks etgan videoni olishni xohlovchilarga variantlar va narxlarni bilish uchun elektron pochtaga murojaat qilishni tavsiya etmoqda.
Izoh (0)