Toshkent viloyatining Yuqori Chirchiq tumanidagi 4 gektar yerni noqonuniy sotmoqchi bo‘lgan jinoiy guruh ushlandi. Bu haqda IIV matbuot xizmati xabar berdi.
Ma’lum qilinishicha, 1968-yilda Toshkent viloyatida tug‘ilgan MCHJ rahbari 1989 va 1995-yilda tug‘ilgan ikki nafar sherigi bilan jinoiy guruh bo‘lib, fuqaroga Toshkent viloyati Yuqori Chirchiq tumanida joylashgan fermer xo‘jaligiga qarashli 4 gektar yerni 4 million dollarga sotishga kelishgan.
Toshkent shahrining Chilonzor tumanidagi restoranlarning birida so‘ralgan puldan bo‘nak sifatida 500 ming dollar olayotganida IIV Tezkor-qidiruv departamenti va boshqa huquqni muhofaza qilish organlari bilan hamkorlikda o‘tkazilgan tezkor tadbir davomida ushlangan.
Holat yuzasidan Qibray tumani prokuraturasi tomonidan Jinoyat kodeksining 168-moddasi (firibgarlik) 4-qismi “a” bandi va 211-moddasi (pora berish) bilan bilan jinoyat ishi qo‘zg‘atilgan. Tergov harakatlari olib borilmoqda.
Izoh (0)