Yaponiya Sog‘liqni saqlash vazirligi dunyoda birinchi bo‘lib odamlar orasida Oz virusi bilan kasallanish va undan o‘lim holatini qayd etdi. Bu haqda NHK xabar berdi.
Virus qurboni Ibaraki prefekturasining 70 yoshli fuqarosi, u bir yil oldin vafot etgan. O‘shanda shifokorlar unga ishemik insult tashxisini qo‘ygandi, ammo keyinroq ayol, aslida, Oz virusini yuqtirgani aniqlandi.
Virusning birinchi alomatlari — zaiflik, isitma va ishtaha yo‘qolishi. Ayol kasalxonaga yotqizilgan, undan qon tahlili olingan. Natijada trombotsitlar darajasining pasayishi, jigarning buzilishi va o‘tkir yallig‘lanish aniqlangan. Shifokorlar uning tanasida kana chaqqan izni ham topgan.
Oz virusi Yaponiyada birinchi marta 2018-yilda aniqlangan. U kana chaqishi bilan yuqishi mumkin, ammo odamga yuqish holatlari kuzatilmagan. Shu bilan birga, shifokorlarning ma’lumotlariga ko‘ra, avvalroq ikki ovchida virusga qarshi antitanachalar aniqlangan.
Izoh (0)