Ayni vaqtda O‘zbekiston Liberal-demokratik partiyasidan O‘zbekiston prezidentligiga nomzod Shavkat Mirziyoyev xorazmlik saylovchilar bilan uchrashuv o‘tkazmoqda.
Nomzod Xorazmning “tashrif qog‘ozi” IT bo‘lishini aytdi.
“Avvalo, “maktab – oliygoh – IT kompaniyasi”dan iborat yaxlit IT ta’lim va xizmatlar zanjiri yaratiladi. Buning uchun, viloyatda yetti yilga mo‘ljallangan, raqamlashtirish sohasida “Muhammad al-Xorazmiy vorislari” deb nomlangan loyihaga start beriladi”, — dedi Shavkat Mirziyoyev.
Nomzod o‘z so‘zida davom etar ekan, bog‘chalarda kompyuter sinflarini tashkil qilish, boshlang‘ich sinf o‘quvchilariga planshet tarqatish Xorazmdan boshlanishini aytdi.
“Birinchi bosqichda viloyatdagi 543 ta maktabdan 110 tasi tanlab olinib, boshlang‘ich sinf o‘quvchilariga “noutbuk” olib beriladi. Yuqori sinflarda dasturlash, veb-dizayn kabi sohalar kasb sifatida o‘qitiladi”, — deya ta’kidlab o‘tdi nomzod.
Izoh (0)