Xivada12—16-iyun kunlari dunyoning 15 ta mamlakatidan kelgan hamda O‘zbekiston vakillaridan iborat o‘quvchi-yoshlar ishtirokida Xalqaro kimyo olimpiadasi o‘tkaziladi deb xabar bermoqda Maktabgacha va maktab ta'limi vazirligi matbuot xizmati.
-1.jpg)
Qayd etilishicha, unda dunyoning 15 ta mamlakati — Turkiya, Ozarbayjon, Hindiston, Vyetnam, Jazoir, Braziliya, Belarus, Rossiya, Qozog‘iston, Ummon, Gruziya, Turkmaniston, Qirg‘iziston, Tojikiston davlatlaridan kelgan hamda O‘zbekiston vakillaridan iborat — jami 130 nafar o‘quvchi-yoshlar ishtirok etadi.
11-iyul kuni Ozarbayjon, Rossiya, Qozog‘iston, Tojikiston, Hindiston, Turkiya davlatlaridan kelgan 60 dan ortiq ishtirokchi o‘quvchi-yoshlar hamda ularning ustozlari Xorazm viloyatiga yetib keldi.
Xalqaro olimpiadaning yuqori saviyada o‘tishi uchun hakamlar hay’ati tarkibiga mahalliy va xorijiy mamlakatlar — Turkiya, Rossiya, Qozog‘iston, Tojikiston, Pokiston davlatlaridan akademik, professor-o‘qituvchilar hamda tajribali mutaxassislar jalb qilinmoqda.
15—18 yoshli o‘smirlar o‘rtasida o‘tkazilayotgan Abu Rayhon Beruniy nomidagi xalqaro kimyo olimpiadasi 2 turda tashkil etiladi:
- 1-tur yozma ish (nazariy) shaklida o‘tkazilib, ishtirokchilarga 5 ta topshiriq beriladi va har bir topshiriq maksimal 10 balldan baholanadi — jami 50 ball. Mazkur tur topshiriqlarini bajarish uchun ishtirokchilarga 3 soat vaqt ajratiladi.
- 2-tur amaliy (laboratoriya) ish shaklida o‘tkazilib, 1 ta topshiriq beriladi va maksimal 30 ball bilan baholanadi. 2-tur topshiriqlarini bajarish uchun 2 soat vaqt ajratiladi.
Jami ikki tur uchun maksimal ball 80 ballni tashkil qiladi. So‘nggi tahlillar asosida g‘olib va sovrindor, deb topilgan o‘quvchi-yoshlar oltin, kumush, bronza medallari hamda diplom va esdalik sovg‘alari bilan taqdirlanadi.
Olimpiadaga faxriy mehmon sifatida Germaniya kimyo jamiyati a’zosi, uzoq yillar davomida Myunxen texnika universitetining Noorganik kimyo instituti direktori lavozimida faoliyat olib borgan professor Joxann Plank tashrifi belgilangan.
Olimpiada doirasida o‘quvchi-yoshlar uchun xalqaro mutaxassislar ishtirokida bir qator master-klasslar o‘tkaziladi. Bundan tashqari, olimpiada ishtirokchilari va mehmonlar uchun Toshkent, Urganch va Xiva shaharlarining tarixiy va madaniy obyektlariga sayohatlar tashkil etilib, yurtimizning madaniy va ma’rifiy merosi bilan yaqindan tanishtiriladi.
Mazkur olimpiada kimyo fani bo‘yicha O‘zbekiston terma jamoasi uchun 16—25-iyul kunlari Shvetsariyada o‘tkaziladigan Xalqaro kimyo olimpiadasiga navbatdagi tayyorgarlik bosqichi bo‘lib xizmat qiladi.
Xalqaro olimpiada 2023-yildan boshlab har ikki yilda bir marta o‘tkazilishi belgilangan.
Izoh (0)