Yevropa Chempionlar Ligasi finalida Angliyaning “Manchester Siti” va Italiyaning “Inter”i o‘zaro kurash olib boradi. Ikkala jamoa murabbiylari o‘yin oldidan o‘z fikrlarini bildirib o‘tdi. 

“Manchester Siti” bosh murabbiyi Pep Gvardiola:

Odamlarning fikrlarini nazorat qila olmayman. Shunchaki qiladigan ishimizga e’tibor qaratishimiz lozim. Barchasi o‘yinda hal bo‘ladi. 95 daqiqani eng yaxshi o‘tkaza olgan jamoa g‘olib bo‘ladi. 

Tarixga qaralsa, “Inter” bizni hayratda qoldiradi. Lekin bu muhim emas. Biz raqibdan yaxshiroq o‘ynashimiz lozim. Mana shu hal qiluvchi omil bo‘lib xizmat qiladi.

“Inter” bosh murabbiyi Simone Inzagi: 

“Manchester Siti” yuqori darajadagi jamoa. Hozirgi kunda eng yaxshi jamoa.

Finalga chiqqanimizdan faxrlanamiz. G‘alaba uchun bor kuchimizni sarflaymiz. Diqqatni jamlagan holda o‘ynaymiz. Birorta xatoga yo‘l qo‘ymasligimiz kerak.

Tarix yozish imkoniyatimiz bor. Albatta, g‘alabani qo‘lga kiritish qiyin kechadi, lekin birgalikda ishlagan holda buni uddalashga harakat qilamiz.