Agar Rossiya armiyasi Ukrainaga bostirib kirmaganida, Kaxovka GES vayron qilinmagan bo‘lardi, shunday ekan sodir bo‘lgan voqealar uchun Rossiya Federatsiyasi javobgar. Bu haqda Oq uy matbuot kotibi Karin Jan-Pyer brifingda ma’lum qildi.
Uning ta’kidlashicha, AQSH GESning buzilish sabablarini o‘rganishda davom etmoqda. Biroq Jan-Pyerning so‘zlariga ko‘ra, agar Rossiya Ukrainaga hujum qilmaganida, bu voqea sodir bo‘lmasdi. Shu sababli falokat uchun javobgarlik stansiyani nazorat qilayotgan Rossiya zimmasiga tushadi.
“Aslida, nima bo‘lganini baholashda davom etyapmiz. Ukrainaliklar bilan muloqotdamiz. Biz ko‘rib turgan vayronagarchiliklar yurakni ezadi. Ukraina xalqiga yordam berish uchun qo‘limizdan kelganini qilamiz. Bu to‘g‘on Rossiya nazorati ostida edi. Urush ortidan kelgan ushbu vayronagarchilik uchun ham ular javobgar”, — dedi Jan-Pyer.
Eslatib o‘tamiz, 6-iyun kuni Xerson viloyatining Rossiya tomonidan vaqtincha bosib olingan qismida Kaxovka GES to‘g‘oni portlatildi. Suv Dneprning quyi oqimiga nazoratsiz ravishda oqizilgan. Ukraina va Rossiya bir-birini GESni vayron qilishda aybladi. Suv toshqinlari xavfi ostida qolgan hududlardan aholi evakuatsiya qilinmoqda.
Izoh (0)