Surxondaryo viloyati Jarqo‘rg‘on tumanidagi g‘alla maydonida yong‘in sodir bo‘ldi. Viloyat FVB holat yuzasidan ma‘lumot berdi.
5-iyun kuni Jarqo‘rg‘on tumani “Boymoqli” mahallasi hududida joylashgan “Magnat agroximiya taʼminoti” MCHJga qarashli g‘alla maydonida yong‘in sodir bo‘lgan. Bu to‘g‘risidagi xabar tuman favqulodda vaziyatlar bo‘limiga soat 14:55 da xabar kelib tushgan. Voqea joyiga yong‘in-qutqaruv ekipajlari soat 15:05 da yetib borib, yong‘in soat 15:15 da qurshab olingan va soat 15:20 da batamom o‘chirilgan.
Qutqaruvchilarning sa’y-harakatlari natijasida g‘alla maydonining 0,3 gektar qismi saqlab qolingan va olovning qo‘shni 30 gektar g‘alla maydoniga o‘tib ketishining oldi olingan. Voqea joyiga favqulodda vaziyatlar organlari masʼullari va boshqa mutasaddilar yetib borgan. Yong‘in oqibatida tan jarohati olganlar yo‘q.
Viloyat Favqulodda vaziyatlar boshqarmasi bergan birlamchi maʼlumotlarga ko‘ra, yong‘inga hududdan o‘tgan 10 kVt elektr tarmog‘ining g‘alla maydoniga uzilib tushishi natijasida sodir bo‘lgan qisqa tutashuv sabab bo‘lgan.
Hozirda moddiy zarar miqdori aniqlanmoqda.