Rossiyaning Voronej viloyatida qurilishda ishlagan erkak ish vaqtida ikkinchi qavatdan tushib ketdi. Bu haqda Tashqi mehnat migratsiyasi agentligi axborot xizmati xabar berdi.
Unga ko‘ra, u 2022-yilda Voronej viloyatiga ishlash maqsadida borib, joriy yili ish vaqtida qurilish obyektining 2-qavatidan yiqilib tushadi. Natijada og‘ir tan jarohati olib, Voronej viloyati shifoxonasiga davolanish uchun yotqiziladi.
Tashqi mehnat migratsiyasi agentligining Voronejdagi vakili uning holidan xabar oldi. Ayni paytda bemorning ahvoli yaxshilangani va tez orada shifoxonadan javob berilishi maʼlum bo‘ldi. Hozirda uni vatanga qaytarish choralari ko‘rilmoqda.
Izoh (0)