Qoraqalpog‘istonning Nukus tumanida farzandini qaytarib olishga borgan ayol va uning onasi qaynotasi tomonidan o‘ldirilgani haqida xabar berilgan edi. Oliy sudning ma‘lum qilishicha, mazkur erkakka sud hukmi o‘qildi. 

Nukus tumanida yashovchi S.K. ismli ayol 2022-yil 10-iyun kuni qaynotasi Y.S. bilan o‘zaro janjallashib, onasi SH.K.ning uyiga arazlab ketib qolgan. Shu yili 11-iyun kuni soat 14:00 larda ayol onasi SH.K. va yangasi J.A. bilan birga qaynotasi bilan qolgan voyaga yetmagan farzandini (2020-yilda tug‘ilgan) olib ketish uchun borgan.

O‘rtada kelib chiqqan janjal tufayli Y.S. qo‘lidagi temir jism bilan S.K. va uning onasi SH.K.ni urib, qasddan o‘ldirgan. Shundan keyin ular bilan birga kelgan fuqaro J.A.ning bosh va yuz qismlariga hamda tanasining boshqa joylariga bir necha marta urib o‘ldirmoqchi bo‘lgan vaqtda J.A. voqea joyidan qochib yashirinib, og‘ir tan jarohatlari bilan Nukus tumani tibbiyot birlashmasiga yotqizilgan.

Jinoyat ishlari bo‘yicha Nukus tuman sudining hukmi bilan ikki nafar odamni qasddan o‘ldirgan shaxsga 22 yil muddatga ozodlikdan mahrum qilish jazosi tayinlandi