Qirg‘izistonning O‘sh viloyati O‘zgan shahri chekkasida maxsus xizmatlar o‘q-dorilar va portlovchi moddalar omborini aniqladi. Bu haqda Qirg‘iziston Respublikasi Milliy xavfsizlik davlat qo‘mitasi (MXQ) matbuot xizmati xabar berdi.
O‘q-dorilarni tegishli tartibda olish bo‘yicha maxsus operatsiyaga muhandis-sapyor guruhi jalb qilingan.
Sapyorlar 8 ta shovqinli granata, 6 ta jangovar zapallar, 114 ta 5,45 mm kalibrli patronlar, 46 ta 7,62 mm kalibrli patronlar (zirhni teshuvchi), 1 ta 9 mm kalibrli patron (Glock avtomatidan), 1 ta 7,62 mm kalibrli patronni rasmiylashtirdi.
Mazkur fakt yuzasidan ekspertiza o‘tkazilib, tezkor-qidiruv tadbirlari olib borilmoqda.
Izoh (0)