2022-yilda 60 mingdan ortiq chet elliklar O‘zbekiston banklarida hisobvaraqalar ochgan. Bu haqda Senatning 41-yalpi majlisida Markaziy bank boshqaruvi raisi Mamarizo Nurmuratov ma’lum qildi.
Yig‘ilishda senatorlar o‘tgan yili xorijiy valutadagi depozitlar hajmi 9 foizga oshganiga e’tibor qaratdi. Regulyator rahbari buni xorij fuqarolari ochgan hisob raqamlari oshgani bilan izohladi.
O‘tgan yili dunyodagi geosiyosiy vaziyat tufayli norezident bank hisob raqamlari soni 60 mingdan oshdi, ular bizning banklarimizga qariyb 892 million dollar depozit qo‘ygan. Norezidentlar tomonidan omonatlarni joylashtirishning keskin o‘sishi — qariyb 9,5 barobar, o‘z navbatida, talab qilib olinguncha muddatga xorijiy valyutadagi depozitlar oshishiga olib keldi, — dedi Nurmuratov.
Umuman olganda, 2023-yil 1-yanvar holatiga ko‘ra, banklar tomonidan 216,7 trillion so‘m (taxminan 19 milliard dollar) omonat jalb qilingan bo‘lib, shundan 92,5 trillion so‘mi (taxminan 8 milliard dollar) talab qilib olingan omonat.
Shuningdek, hisobot yilida aholi omonatlari qoldig‘i 1,7 barobarga oshib, 63 trln so‘mga yetgani qayd qilingan.
Avvalroq banklarda omonat ochishda nimalarga e’tibor berish kerakligi haqida xabar berilgandi.
Izoh (0)