Kianu Rivz ishtirokidagi “Jon Uik” franshizasi beshinchi filmini oladi. Bu haqda ComicBook xabar bermoqda.

Lionsgate bo‘linmalaridan birining rahbari Jo Dreyk “Jon Uik-5” haqida kinostudiya moliyasiga bag‘ishlangan taqdimot chog‘ida ma’lum qildi. Uning so‘zlariga ko‘ra, loyiha rivojlanishning dastlabki bosqichida.

“Buni rasman aytish mumkin. Ma’lumki, ‘Balerina’ keyingi yil chiqadigan birinchi spin-offdir. Yana uchta loyiha ishlab chiqilmoqda, jumladan, ‘Jon Uik-5’ va tez orada efirga uzatiladigan ‘The Continental’ seriali. Shunday qilib, biz kino olami yaratmoqdamiz va bu kartina paydo bo‘lganda, ular hikoyaga organik tarzda qo‘shiladi. Ammo  siz ‘Jon Uik’ning tanish ritmini ko‘rishingiz mumkin bo‘ladi”, — dedi Dreyk.

Lionsgate vakili “Jon Uik-5” filmining sujeti va aktyorlari haqida hech qanday ma’lumot bermadi.

Kianu Rivz ishtirokidagi “John Uik-4” filmi 23-mart kuni prokatga chiqdi.

Lionsgate allaqachon franshizaning ikkita spin-offini suratga olgan. 2023-yil oktabr oyida xuddi shu nomdagi mehmonxona egasi Uinston Skott haqidagi Continental mini-seriali ommaga taqdim etiladi. O‘z oilasining o‘limi uchun o‘ch olgan yollanma va professional raqqosa haqida “Balerina” filmining namoyish qilinishi 2024-yilga mo‘ljallangan. Yaqinda “Jon Uik” mualliflari yana bir spin-off yaratishga va’da berdi.