AQSH davlat kotibi Entoni Blinkenning aytishicha, Qo‘shma Shtatlar ruslar uchun dushman emas va hech qachon Rossiyada hukumatni ag‘darishga urinmagan.

“Rossiya Federatsiyasi hukumatini ag‘darish maqsadimiz yo‘q, bizda bunday maqsad hech qachon bo‘lmagan. Ruslar kelajagi qanday bo‘lishini o‘zlari hal qilishlari kerak”, — dedi Blinken Xelsinki meriyasidagi chiqishi chog‘ida.

Bundan tashqari, AQSH davlat kotibi Rossiya fuqarolariga murojaat qilib, Amerika ruslarning dushmani emasligini ta’kidladi.

“Qo‘shma Shtatlar sizning dushmaningiz emas, Sovuq urush tinch yo‘l bilan tugatilgandan so‘ng, biz Rossiya Federatsiyasining porloq kelajagi, erkin va butun dunyo bilan integratsiya uchun ochiq bo‘lishiga umid qilgan edik. 30 yildan ortiq vaqt davomida biz shunday bo‘ldik. Moskva bilan barqaror munosabatlar ustida ishlamoqdamiz, chunki biz erkin va gullab-yashnagan Rossiya butun dunyo manfaatlariga mos kelishiga ishongan edik”, — dedi u.