Forbes jurnali “Yovvoyi ayol” va “Qonundagi mallasoch” filmlaridagi roli orqali tanilgan Riz Uizerspunni dunyodagi eng boy aktrisa deb topdi.
Ayni paytda aktrisaning umumiy boyligi 440 million dollarga baholanmoqda. Ma’lum bo‘lishicha, u 2021-yilda o‘z kompaniyasining aksiyalarini sotgan. Shuningdek, “Tonggi shou” serialining 10 ta qismi uchun aktrisa 20 million dollar gonorar olgan. 2022-yilda boyligi 270 million dollarga baholangan Dueyn Jonson dunyodagi eng boy aktyor deb topilgan edi.
Ma’lumot o‘rnida, Riz Uizerspun 1976-yilning 22-mart sanasida AQSHda tug‘ilgan. U kinodagi faoliyati davomida “Oydagi odam”, “Sumerki”, “Do‘stlar”, “Qonundagi mallasoch” filmlarida suratga tushgan. Aktrisa mart oyining oxirida turmush o‘rtog‘i Jim Tot bilan ajrashdi. Juftlik 2011-yilda turmush qurgan edi. Riz va Jim Tennessi shtatida o‘g‘lini tarbiyalayotgan edi. Aktrisaning aktyor Rayan Filipp bilan turmushidan ikki nafar farzandi ham bor.
Izoh (0)