Maylz Bonem DJ’likka bo‘lgan ishtiyoqi tufayli ijtimoiy tarmoqlarda mashhurlikka erishdi.
Bolakay 2 yoshidan musiqaga qiziqa boshlagan. Uning ota-onasi Maylz bir kuni Stairway to Heaven qo‘shig‘ini to‘liq tinglab bo‘lmaguncha bolalar bog‘chasiga borishdan bosh tortganini aytgan. U 2020-yilda gitara, pianino va violonchel chalishni o‘rgangan. Oradan biroz vaqt o‘tgach, vunderkind bolakay qo‘shiq yozish maqsadida dasturlarni o‘rganishga kirishgan.
2021-yilda Bonemning ota-onasi o‘g‘lining ijod namunalarini ijtimoiy tarmoqlarga joylashtira boshladi. Vaqt o‘tishi bilan bolakay mashhur hamkasblarining e’tiboriga tusha boshladi. Masalan, bolakayga Stiv Aoki va Devid Archuleta ham e’tibor qaratdi. Britaniyalik DJ Mark Ronson esa Maylzni bo‘lajak xitmeyker deb atadi.
Biroq mashhurlar faqatgina izohlar bilan cheklanib qolishmadi. Bolakay besh yoshga to‘lganda, Questlove yosh musiqachining eski orzusini amalga oshirishga qaror qildi. Amerikalik prodyuser unga Poсket Kit baraban to‘plamini sovg‘a qildi.
“Qilayotgan ishingizni juda qadrlayman va siz meni ilhomlantirasiz ”, — deb izoh qoldirgan xonanda.
Hozirgi kunda yosh DJ’ning Tiktok’dagi akkauntida 882 mingdan ortiq obunachi bor. Uning remiks talqinidagi videolari millionlab ko‘rishlarga ega.
“Bu meni hayratda qoldirgan birinchi prodyuser bolakay”, “Kelajakda uni ko‘rishim uchun chipta buyurtma qilmoqchiman”, deb yozgan tarmoq foydalanuvchilari.
Izoh (0)