Qashqadaryo viloyatining Kitob tumanida 18 yoshli yigit sevgan qizi sabab tengdoshini pichoqlab o‘ldirgani xabar berildi. Bu haqda “Daryo” manbasi maʼlum qildi.
Aytilishicha, voqea 2023-yilning 28-may, yakshanba kuni sodir bo‘lgan.
“Qashqadaryo viloyatining Kitob tumanidagi ‘Agrobank’ning oldida 18 yoshli yigit mashinada tengdoshini pichoqlab qo‘ygan. Oqibatda pichoqlangan bola voqea joyida vafot etgan”, — deydi manba.
Manbaning aniqlashtirishicha, voqea 18 yoshli qiz boshqaruvidagi mashinada sodir bo‘lgan.
“Qiz rulda ketayotgan bo‘lgan. Oldinda esa bir yigit o‘tirgan. 18 yoshli yigit qiz sabab tengdoshi bilan tortishib, orqada o‘tirgan holda oldi o‘rindiqdagi yigitning bo‘yniga pichoq tiragan va pichoqni tortib yuborgan”, — deydi voqea haqida gapirgan manba.
Qashqadaryo viloyat prokuraturasi voqeani tasdiqladi va holat yuzasidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilganini bildirdi.
Izoh (0)