Siz ushbu maqolani biror qurilma ekranidan o‘qiyapsiz, unda bir vaqtning o‘zida bildirishnoma, kalendar eslatmalari yoki to‘satdan qo‘ng‘iroqlar paydo bo‘lishi mumkin. Woman nashrida e’lon qilingan gadjetlardan foydalanishda me’yorni saqlashga o‘rgatadigan quyidagi tavsiyalarni bilib olish va ularga amal qilish foydadan holi emas.
Gadjet orqali bajariladigan ishni o‘z vaqtida tugating va bildirishnomalarni o‘chirib qo‘ying
“Bezovta qilinmasin” rejimi gadjetlarimizdagi eng foydali funksiyalardan biridir. “Sevimlilar” kontakt guruhingizda faqat yaqinlaringizni qoldiring va ishni tugatgandan so‘ng rejimni yoqing. Barcha savol va topshiriqlar ertaga qolsin, siz bu bilan onlayn rejimdan signallar, bildirishnomalarni cheklab qo‘yasiz.
Kechki mashg‘ulotlarni rejalashtiring
Bu maslahat miyangizni chalg‘itadi: agar uchrashuvni oldindan yoki yozma ravishda taqvimingizga belgilab qo‘ysangiz, uchrashuvni o‘tkazib yuborish vasvasasi kamroq bo‘ladi. Har oqshom uchun ko‘ngilochar mashg‘ulotlarni reja qiling: do‘stlaringiz va qarindoshlar bilan uchrashing, teatrga boring yoki shunchaki uy yaqinida sayr qiling va keraksiz bildirishnomalarni o‘chirib qo‘yishni unutmang.
Oflayn xobbi toping
Ob-havo isishi bilan o‘zingizga yoqadigan mashg‘ulotni topish vaqti keldi: tennis, beysbol yoki ot minish kabi yangi sport turi, qushlarni kuzatish, bog‘da sayr qilish singari tinchroq mashg‘ulotlarni sinab ko‘ring. Virtual bo‘lmagan faoliyat tashqi dunyo bilan aloqani mustahkamlashga, yangi tanishlar topish va xotirjamlikni tiklashga yordam beradi.
Gadjetlar bilan o‘tadigan vaqtingizni minimallashtiring
Har bir qurilmaga qancha vaqt sarflayotganingizni kuzatib boring va uning qancha qismini boshqacha sarflash mumkinligini tahlil qiling. Atrofingizdagi dunyoni kashf qilish va yangi odamlar bilan tanishish uchun bo‘sh vaqtingizdan foydalaning.
Detoksga e’tibor qarating
Gadjetlardan haqiqatan ham nariroq bo‘lish uchun bunga e’tibor qaratishingiz kerak. Ijtimoiy tarmoqlarda sababsiz qolib ketish holatlarini kuzatib boring. Sabablarni tahlil qiling va ko‘proq nimani o‘zgartirmoqchi ekanligingizni aniqlab oling. Xulq-atvordagi o‘zgarishlarni kuzatish uchun qaydlar kundaligi yoki qog‘ozdan foydalanishingiz mumkin.
Ta’tilni vaqtida faqat dam oling
Ta’til davomida ishga doir chat, topshiriq va pochta bildirishnomalarini o‘chirib qo‘ying. Ta’tilingizni dam olish va xotirjamlik muhitiga cho‘mish uchun haqiqiy vaqtga aylantiring. Agar uyda qolsangiz ham ish stolingizni o‘zgartirish va keraksiz narsalarni tashlab yuborish yoki bayramona narsalarni qo‘shish orqali miyangizga ish muhitini o‘chirishga yordam bering.
Dam olish kunlarini tartibga soling
Haftalik ish kunlaridan so‘ng tez qayta tiklanish uchun dam olish kunlari va bayramlarni yangi joylarga yoki dam olish markazlariga mini-sayohat qilishga bag‘ishlang. Bir-ikki kunlik odatiy mashg‘ulotingizdan tanaffus qiling va atrofingizdagi olamdan zavq oling.