Namangan shahrida yong‘in ichida qolib ketgan ikki va uch yoshli bola qutqaruvchilar tomonidan olib chiqildi. Bu haqda “Bu kun” dasturida xabar berildi.

Unga ko‘ra, hodisa 16-may kuni soat 17:53 da “Marg‘ilon” MFY da joylashgan xonadonlarning birida sodir bo‘lgan. Soat 17:59 da yong‘in qutqaruv ekipaji voqea joyiga yetib borib, 18:27 da yong‘in to‘liq bartaraf etilgan. Yong‘in o‘chirish vaqtida uy egasining ikki va uch yoshli o‘g‘il va qiz farzandi qutqaruvchilar tomonidan olib chiqilgan.

Yong‘in natijasida uyning shift va tom qismidan 70 kv/m joyi hamda uy-ro‘zg‘or buyumlari yonib zararlangan. Hozirda holat yuzasidan tergovga qadar surishtiruv ishlari olib borilmoqda.