Aktyorlarning gonorari bir necha omillar: mashhurlik, tajribasi, qo‘lga kiritilgan mukofot va boshqalarga bog‘liq bo‘ladi. Ayrim aktyorlar berilgan gonorarga rozi bo‘lsa, ayrimlari rozi bo‘lmay ortiqcha haq to‘lanishini talab qiladi. Quyida ortiqcha mablag‘ so‘ragani uchun ishdan bo‘shatilgan mashhur aktyorlar haqida ma’lumot beriladi.
Krispin Glover — “Kelajakka qaytib”
Krispin Glover “Kelajakka qaytib” filmida Marti Makflayning otasi rolini ijro etgan. U filmning ikkinchi qismiga ham taklif qilingan, biroq u ssenariydan norozi bo‘lib, loyihada bosh rolni ijro etgan aktyor Maykl Jey Foks bilan bir xil gonorar — 1 million dollar so‘ragan. Tabiiyki, bu gonorar kichik rol uchun juda ko‘p edi, shuning uchun Krispin Glover ishdan bo‘shatilgan.
Krispi o‘zini oqlashga shoshildi. Aktyorning so‘zlariga ko‘ra, u haqiqatan ham ssenariydan norozi bo‘lgan, biroq Foks bilan bir xil gonorar so‘ramagan.
Lorens Fishbern — “O‘tda yonmas-3”
“O‘tda yonmas-3” filmining birinchi qismidan so‘ng, ko‘proq konveyerga o‘xshash bir qator filmlar boshlandi. Bryus Uillis loyihaning asosiy yulduziga aylandi. Biroq ijodkorlar filmga Zevs Karver rolini o‘ynashi uchun Lorens Fishburnni olishga qaror qilishdi.
Loyiha bo‘yicha muayyan shartnoma imzolangan edi, biroq vaqt o‘tib Lourens 1 million dollar gonorar to‘lashni talab qildi. Keyin studiya imzolangan shartnomaga qaramay, boshqa variantni topishga qaror qildi. Rol “Jinoiy asar” bilan o‘zini ko‘rsatgan Samuel Jeksonga berildi. Natijada, Jekson Zevs rolini o‘z zimmasiga oldi va Fishbern roldan chetlatildi, biroq voqea bu bilan yakunlanmadi. Lourens sudga da’vo arizasini berdi va shartnoma yordamida studiyadan 750 ming dollar undirishga muvaffaq bo‘ldi.
Bryus Uillis — “Chegarasiz-3”
Bryuss Uillis “O‘tda yonmas” filmi bilan cheklanib qolmadi, aktyor ko‘p qismli “Red” va “Chegarasiz-3” filmlarida ham rol ijro etdi. Aktyor “Red” filmida hech qanday muammolarga duch kelmadi, biroq “Chegarasiz” loyihasi muhokamalarga sabab bo‘ldi. Loyihaning uchinchi qismida Bryus Uillisga 4 kunlik ish uchun 3 million dollar gonorar taklif qilindi. Bryus raqamlarni tenglashtirmoqchi bo‘ldi va 4 kunga 4 million dollar talab qildi. Bu Bryus Uillis xizmatidan bosh tortgan va 72 soat ichida yangi aktyor — Xarrison Fordni topib olgan Silvestr Stallonega yoqmadi. Silvestr buni o‘z muxlislariga juda xursandchilik bilan e’lon qildi va Bryus Uillisni eng yaxshi so‘zlarga loyiq emas deb atadi.
Bu Uillis bilan bog‘liq yana bir baxtsiz hodisa edi va keyin muxlislar o‘z kumirlaridan yuz o‘girishdi, biroq 2022-yilda Bryusda afaziya borligi ma’lum bo‘lgach, hamma narsa o‘zgardi. Aktyor u kasallikka Chegarasiz-3” loyihasi suratga olinmasdan avval chalingan edi.
Markus Chong — “Matritsa: Qayta yuksalish”
Markus Chong “Matritsa”ning birinchi qismida Tank rolini o‘ynadi, u ham filmning ikkinchi va uchinchi qismlarda suratga tushishi kerak edi, biroq aktyor loyihaning birinchi qismidan so‘ng ko‘rinish bermadi. Muxlislar aktyorning taqdiri qanday kechgani bilan qiziqdi, biroq Markus loyihadagi gonorarini haddan tashqari oshirib yuborgani sabab filmdan chetlashtirilgani ma’lum bo‘lgach, barcha taxminlar ahamiyatini yo‘qotdi.
Ma’lum bo‘lishicha, aktyorga filmning ikkinchi va uchinchi qismlardagi ijrosi uchun 250 ming dollardan 400 ming dollargacha va’da qilingan. Markus esa 1 million dollar gonorar olishni xohlagan.
Aka-uka Vachovskilar bu taklifga rozi bo‘lmadi. Keyin Markus ulardan advokat orqali 1 million dollar olishini yoki loyihani tark etishini aytdi. Shundan so‘ng, Markus aka-ukalarni sudga berdi, biroq ish muvaffaqiyatsiz tugadi.
.jpg)
Loren Koen — “Yuradigan o‘liklar”
Loren Koen 2022-yilda yakuniy mavsumi chiqadigan “Yuradigan o‘liklar” serialida Meggi rolini o‘ynagan va hozir ham ushbu rolni ijro etmoqda. Sakkizinchi mavsumdan so‘ng, Loren va studiya o‘rtasida to‘lov bo‘yicha kelishmovchiliklar yuzaga keldi, biroq aktrisa o‘zini boshqa janrlarda sinab ko‘rmoqchi ekanini aytdi.
Bu urinish muvaffaqiyatsiz tugadi va u yaxshi hayotdan voz kechishni istamadi, 2019-yilda Meggining loyihaga qaytishi ma’lum bo‘ldi.
Terrens Xovard — “Temir odam”
Terrens Xovard “Temir odam” filmining birinchi qismida Jeyms Rodos rolini o‘ynadi. Birinchi filmdan so‘ng, Terrens va studiya o‘rtasida gonorar bilan bog‘liq mojaro kelib chiqdi. Turli ma’lumotlarga ko‘ra, aktyor juda ko‘p narsani xohlagan, Terrensning so‘zlariga ko‘ra, ijodkorlar unga va’da qilinganidan 8 baravar kam pul to‘lamoqchi bo‘lgan. Terrens Marvel’dagi potensialni ko‘rmagani uchun Temir jangchi rolini hali ham Marvel filmlarida va hattoki teleseriallarda suratga tushayotgan Don Chidlga topshirgan bo‘lishi mumkin.
Tobi Maguayr — “O‘rgimchak odam-3”
Tobi Maguayr nafaqat O‘rgimchak odam roli bilan, balki suratga olish maydonchasidagi tirishqoqligi, xatti-harakati bilan ham tanilgan. U o‘zini shahzoda kabi tutdi va bu bir marta prodyuserlar va rejissor bilan muammoni keltirib chiqardi. Aktyor ikkinchi filmdan qancha daromad olinganini bilgach, 4 million dollar gonorar uning uchun juda oz ekanligini his qildi. Tobi vizual effektlarni yaratish uchun tanasini skanerlash zarur bo‘lgan kunni o‘tkazib yuborishga qaror qildi. U bu jarayon sog‘lig‘iga zarar yetkazishini aytdi, biroq rejissor va prodyuserlar Tobining asl niyatlarini anglab, uni jiddiy qo‘rqitishga qaror qilishdi. Tobi Maguayr ishdan bo‘shatildi va Sem Reymi va prodyuserlar Piter Parker rolini o‘ynashi kerak bo‘lgan aktyor Jeyk Jillenxol bilan kasting o‘tkazishdi. Bundan qattiq qo‘rqqan Tobi xatosini tan oldi va uni rolga qaytarib olishlariga ishondi.
Izoh (0)