Uzbekistan Airways Toshkent—Urumchi—Toshkent yo‘nalishi bo‘yicha muntazam qatnovlarni tiklaydi. Bu haqda aviakompaniya matbuot xizmati xabar qildi.
Muntazam aviaqatnovlar 30-iyundan boshlab har hafta juma/shanba kunlari (shanba kuniga o‘tadigan qatnov) amalga oshiriladi.
Chiptalar narxi:
- Toshkent—Urumchi 2 738 000 so‘mdan;
- Toshkent—Urumchi—Toshkent yo‘nalishi bo‘yicha 4 867 000 so‘mdan boshlanadi.
Uzbekistan Airways koronavirus pandemiyasi sababli 2020-yilning 4-fevralidan Xitoyga (Pekin va Urumchi) muntazam reyslarni vaqtincha to‘xtatgandi.
Ushbu yo‘nalish bo‘yicha Uzbekistan Airways’dan tashqari Xitoyning China Southern Airlines samolyotlari ham qatnaydi. Ushbu aviakompaniya ham pandemiya davrida Toshkentga parvozlarni to‘xtatib, 2022-yilning oktabrida qayta tiklagandi.
Izoh (0)