Silk Avia yangi yo‘nalishlar bo‘yicha aviaqatnovlarni yo‘lga qo‘yadi

O‘zbekistonning birinchi mintaqaviy aviakompaniyasi Silk Avia 1-iyundan yangi yo‘nalishlarga parvozlarni yo‘lga qo‘yadi, deb xabar berdi Uzbekistan Airports.

Ma’lum qilinishicha, Toshkentni Farg‘ona va Nukus bilan bog‘laydigan aviakompaniya Farg‘onadan Urganch, Buxoro va Navoiyga ham parvozlarni amalga oshiradi. Shu bilan birga, birinchi oyda parvozlar amalga oshirilgan barcha boshqa yo‘nalishlar jadvalda saqlanadi.

Haftalik parvozlar quyidagi yo‘nalishlarda amalga oshiriladi:

• Toshkent—Buxoro—Toshkent;
• Toshkent—Samarqand—Toshkent;
• Toshkent— Qarshi—Toshkent;
• Toshkent—Navoiy—Toshkent;
• Toshkent—Namangan—Toshkent;
• Toshkent—Nukus— Toshkent;
• Toshkent—Termiz— Toshkent;
• Toshkent—Urganch—Toshkent;
• Toshkent—Farg‘ona—Toshkent;
• Farg‘ona—Urganch—Farg‘ona;
• Farg‘ona—Buxoro— Farg‘ona;
• Farg‘ona—Navoiy— Farg‘ona;
• Samarqand—Urganch—Samarqand;
• Buxoro—Urganch—Buxoro.

Chiptalar sotuvi 25-maydan aviakompaniya www.silk-avia.com sayti va aeroportlarda joylashgan kassalarda boshlangan. 1-iyundan sotuvlar chuqurligi 5 oygacha oshadi, ya’ni chiptalarni 29-oktabrgacha bo‘lgan sanalar uchun sotib olish mumkin.