Namangan viloyati "Afsonalar vodiysi" ro‘parasida joylashgan ustaxona yonib ketdi. Viloyat FVB holat yuzasidan ma’lumot berdi.
Xabarga ko‘ra, 25-may kuni soat 15:00-16:00 larda viloyat Favqulodda vaziyatlar boshqarmasiga bu haqda xabar kelib tushgan. Namangan shahar G‘irvonsoy ko‘chasidagi xususiy tadbirkorga tegishli ustaxonada yong‘in sodir bo‘layotgani ma’lum qilingan.
Mazkur xabarga asosan yong‘in-qutqaruv ekipaji voqea joyiga yetib kelgan. Yong‘in bartaraf etilmoqda. 60 m/kv joy hamda fuqarolarni texnik xizmat ko‘rsatish maqsadida olib kelingan texnikalar yonib zararlangan. Hozirda to‘liq ma’lumotlar to‘planmoqda.
Izoh (0)