Shavkat Mirziyoyev Tojikiston bilan fors-major holatlari yuzaga kelganda davlat aviatsiyasining havo hududi va aerodromlaridan o‘zaro foydalanishi to‘g‘risidagi hukumatlararo bitimni ratifikatsiya qildi.
Hujjat 2021-yil 10-iyun kuni Dushanbe shahrida imzolangan. O‘zbekiston Qonunchilik palatasi kelishuvni 2023-yil fevralida qabul qilgan, Senat may oyi boshida ma’qullagan.
Unga ko‘ra, fors-major holatlari yuzaga kelgan taqdirda tomonlar davlat havo hududini qisqa muddatli kesib o‘tishga, o‘z aerodromlaridan biriga zaxira sifatida qo‘nish uchun ruxsat berishga haqli.
Ushbu hujjat parvozlar xavfsizligini yanada ta’minlashga xizmat qiladi.
Izoh (0)