O‘zbekiston—Fransiya tibbiyot forumi o‘tkazilishi rejalashtirilmoqda

O‘zbekiston sog‘liqni saqlash vaziri Amrillo Inoyatov Fransiya elchisi Oreliya Bushez xonim bilan uchrashuv o‘tkazdi.

Muloqot avvalida mamlakatlar o‘rtasida tibbiyot yo‘nalishidagi hamkorlik aloqalari yildan yilga mustahkamlanib borayotgani alohida qayd etildi. 

O‘zbekiston Sog‘liqni saqlash vazirligi va Fransiya sog‘liqni saqlash tizimi boshqaruvida alohida o‘rin tutuvchi “AP-HP” — davlat tibbiyot muassasalari assotsiatsiyasi o‘rtasida tibbiy sug‘urta, pediatriya, akusherlik-ginekologiya, gematologiya va onkologiya kabi yo‘nalishlarda o‘zaro hamkorlik aloqalari kengayib bormoqda.

Uchrashuvda ushbu sohalar bilan bir qatorda mamlakatimizda tez tibbiy yordam xizmatini yanada rivojlantirish, bu yo‘nalishda mutaxassislar tayyorlash, tibbiy ta’lim sifatini oshirish bo‘yicha hamkorlikni yanada rivojlantirish masalalari atroflicha muhokama qilindi. Shuningdek, kelgusida O‘zbekiston—Fransiya tibbiyot forumini o‘tkazish bo‘yicha ham o‘zaro fikr almashildi.