Oliy ta’lim, fan va innovatsiyalar vaziri buyrug‘i bilan 2023/2024-o‘quv yilida kasb-hunar maktablariga kunduzgi va dual ta’lim shakllari bo‘yicha jami 98 042 ta qabul parametrlari tasdiqlandi.

Shundan:

• kunduzgi ta’lim shakli bo‘yicha – 93 310 ta;
• dual ta’lim shakli bo‘yicha – 4 732 ta.

Kunduzgi ta’lim shakli hamda dual ta’lim shakli bo‘yicha kvotalar bilan tegishli havolalar orqali tanishish mumkin.

Hujjatlar 1-iyuldan 20-iyulga qadar (shu kuni ham) qabul qilinadi. Kasb-hunar maktablarida o‘qish to‘liq davlat granti asosida amalga oshiriladi.

2022-yil iyun oyida O‘zbekistondagi kasb-hunar maktablarining bo‘sh maydonlarida korxonalarning ishlab chiqarish sexlari tashkil etilishi ma’lum qilingandi. O‘shanda viloyat hokimlari Oliy ta’lim vazirligi bilan birgalikda ushbu ijobiy tajribani kasb-hunar maktablari va texnikumlarda yo‘lga qo‘yish topshirilgan.