Associated Press agentligi xodimlari, ukrainalik dokumentalist va videograf Mstislav Chernov, suratkash Yevgeniy Maloletka, prodyuser Vasilisa Stepanenko va yevropalik muxbir Lori Xinnant “Jamiyatga xizmatlari uchun” nominatsiyasidai Pulitsar mukofotini qo‘lga kiritdi.
Rossiya qo‘shinlari 2022-yil bahorda Mariupolni qurshab olganida Chernov, Maloletka va Stepanenko shaharda sodir bo‘lgan voqealarni bevosita kuzatgan g‘arb OAVlarining yagona vakillari edi. Xususan, ular Rossiya tomonidan o‘qqa tutilgan Mariupol tug‘uruqxonasidan reportaj e’lon qilgan.
Associated Press jamoasi “Yangiliklar suratlari” nominatsiyasida ham yana bir mukofotni qo‘lga kiritdi — Ukrainadan fotoreportaj. Mukofotni qo‘lga kiritgan suratkashlar orasida Yevgeniy Maloletka, Emilio Morenatti, Filipe Dana, Rodrigo Abd, Vadim Gidra ham bor.
2023-yilda mazkur mukofotning ikkitasi The New York Times gazetasiga nasib etdi — Rossiya harbiylari tomonidan Buchadagi tinch aholining o‘ldirlishi tergoviga bag‘ishlangan material uchun “Xalqaro reportaj” nominatsiyasida.
Shuningdek, The Los Angeles Times, The Washington Post gazetalari, shuningdek, Alabamadagi AL.com nashri ham ikkitadan mukofotni qo‘lga kiritdi.
Pulitsar mukofoti jurnalistika sohasidagi eng nufuzli mukofotlardan biri hisoblanadi. U 1917-yildan beri o‘z egalariga topshirib kelinmoqda.
Izoh (0)