Hattoki dunyoga mashhur insonlar ham kimgadir muxlislik qilishi mumkin. Ular xonalarini afishalar bilan bezatishadi, o‘z kumirining qo‘shiqlarini yodlashadi va sevimli filmlarini tomosha qilishadi. Ba’zi mashhurlar o‘z kumirlari bilan shaxsan uchrashish baxtiga sazovor bo‘lgan.
Kris Xemsvort va Bred Pitt
Superqahramonlar ham yig‘laydi. Masalan, Tor qahramonini gavdalantirgan Kris Xemsvort “Bir vaqtlar Gollivudda” filmining premyerasida o‘zining sevimli aktyori Bred Pittni ko‘rganida his-tuyg‘ularini jilovlay olmagan.
“U qo‘l berib ko‘rishmoqchi edi, men esa uni quchoqlamoqchi bo‘ldim, bu holat uni umuman bezovta qilmadi. Meni qo‘riqchilar ham, boshqalar ham itarib yubormadi. U men tasavvur qilganimdek ajoyib va yoqimli edi”, — deydi Xemsvort.
Selena Gomes va Jennifer Eniston
Hozirda mashhurlar yaqindan muloqot qilishadi, biroq har doim ham unday bo‘lmagan. Eniston kunlarning birida Gomesdan intervyu olgan, unda xonanda birinchi uchrashuvi haqida gapirib bergan:
“Sizni ko‘rganimda yuragim to‘xtab qoldi. Qo‘rqib ketdim va onamning oldiga yugurib borib: Men Jennifer Enistonni ko‘rdim, dedim. Siz bilan uchrashish menga kerak bo‘lgan yagona narsa edi”, — deydi xonanda.
Jennifer Lourens va Bill Myurrey
Qiziq, kun kelib bu ikki ajoyib aktyor qaysidir filmda birga suratga tusharmikan? Jennifer Lourens “Arvohlar ovchisi” bilan ishlashni orzu qiladi. U Bill Myurreyni Vudi Xarrelson orqali hamkorlik qilishga undadi.
“Birinchidan, u mening borligimni bilishi kerak edi. Ikkinchidan, men bilan gaplashmoqchimisiz, birga ishlashni taklif qiling, bilmayman. Men juda ham baxtliman”, — deydi akyor. “Ochlik o‘yinlari” loyihasi yulduzi bir tadbirda Bill bilan shaxsan suhbatlashgan.
Billi Aylish va Jastin Biber
Xonanda Billi Aylish 12 yoshidan beri Jastin Biberga muxlislik qiladi. Billining kumiriga muxlislik uning ota-onasini qo‘rqitdi, ular hatto qizini psixologga olib borishni ham rejalashtirishgan.
“12 yoshimda men shunchaki uning muxlisi emas edim. Aftidan, u mening birinchi muhabbatim edi. U men sevib qolgan inson edi va men uni meni sevib qolgan deb tasavvur qilardim. Bu amaliyotdagi munosabatlar edi”, — deydi xonanda.
Uzoq kutilgan tanishuv 2019-yilda Coachella festivalida yuz berdi. Xonandalar birga kuylashdi va Bad guy taronasini muxlislariga taqdim etishdi. Aylish ovoz yozish paytida hayajondan titramasligi uchun harakat qilishi kerak edi.
Kamila Kabelyo Emiliya Klark
Deyneris nafaqat ajdarlarni, balki Kamila Kabelloni ham titratadi. Xonanda “Taxtlar o‘yini”ni tomosha qilgan, eng muhimi, u dasturlardan birida Emiliya Klarkni hayratda qoldirgan.
“Mening qirolicham, kechirasiz. Men ‘Taxtlar o‘yini’ning dunyodagi eng ashaddiy muxlisi ekanligimni aytmoqchi edim. Sizlar bilan tanishganimdan juda xursandman. Men hayotimda hech qachon bunchalik fanatlik qilmaganman”, — deydi xonanda.
Snup Dogg va Emiliya Klark
Emiliya Klark ko‘p yillar davomida uning ilhom parisi bo‘lib kelgan. Shuningdek, u “Taxtlar o‘yini”ning barcha fasllarini ko‘rib chiqqan va ajoyib aktyorlik uchun kumiriga minnatdorchilik bildirishga qaror qilgan. Musiqachi Londondagi konsertlardan birida Emiliyani sahna ortida kutib, unga shu so‘zlarni aytgan.
“Siz ajoyib aktrisasiz, go‘zal qalb sohibasisiz. Men sizning ajdarhongiz tuxumlarini har kuni himoya qilaman”, — deydi xonanda.
Klark boshida nima bo‘layotganiga ishonolmadi. Rep afsonasining aktrisaga bo‘lgan muxlisligi ko‘pchilikni hayron qoldiradi.
Adel va Dueyn Jonson
2023-yilgi “Gremmi” marosimida xonanda Adel ikkita orzusini amalga oshirdi. U yangi mukofotga ega bo‘ldi va kumiri bilan uchrashdi. Dueyn Jonson xonanda undan xursand ekanini bilar edi. Aktyor bir necha hafta davomida muxlisini hayron qoldirish rejasini ishlab chiqdi.
“Biz Adel uchun alohida narsa qilishni xohladik. Bilaman, u mening ashaddiy muxlisim va u buni bir necha bor ochiq aytgan. Biroq shuni aytishim kerakki, men ham muxlisman. Uning musiqasi, ochiqko‘ngilligi va soddaligini hurmat qilaman. Men uni doim hayratda qoldirganman”, — deydi aktyor.
Jonson eng yaxshi yakkaxon pop xonandasi g‘olibini e’lon qilayotgan paytda, yuzida tabassum paydo bo‘ldi. Konvertdagi qog‘ozga Adelning ismi yozilgan edi.
Izoh (0)