Britaniyalik xonanda Ed Shiran sud zalida plagiatda aybsizligini isbotlash uchun o‘zining “Thinking Out Loud” qo‘shig‘ini gitara bilan ijro etdi, deb xabar bermoqda “Pravila jizni” nashri.
.jpg)
Xonanda amerikalik qo‘shiqchi Marvin Geyaning 1973-yilda chiqarilgan “Let’s Get it On” qo‘shig‘ini plagiat qilganlikda ayblanmoqda.
Shiran Manxettendagi federal sudda taxminan bir soat guvohlik berdi, shundan so‘ng undan “Thinking Out Loud”ning yaratilish tarixini aytib berishni so‘rashgan. U bu qo‘shiqni 2014-yilda chiqargan va keyinchalik taronasi uchun “Gremmi” mukofotini qo‘lga kiritgan.
“U asosiy kuyning bir nechta so‘zlarini kuyladi va bu sud zalidagi ba’zi tomoshabinlarning yuzlarida tabassum uyg‘otdi”, — deb ta’kidladi nashr muxbiri.
Shiran ushbu trekni yozishda o‘zining fonetik usulidan foydalangani va u yordamida qo‘shiqlar yaratganini aytdi. Xonandaning so‘zlariga ko‘ra, u kuniga 8-9 ta qo‘shiq yozishi mumkin.
“Ilhom kelganida hayajonlanasiz va faqat ugina chiqish yo‘lini topa oladi”, — deydi xonanda.
Bundan tashqari, xonanda Emi Uedj bilan “Thinking Out Loud” taronasi ustida ishlagan, u ochilish akkordlarini yozishda xonandaga yordam bergan.
Qayd etilishicha, Shiran sudda “Let’s Get it On” qo‘shig‘ini ham ijro etmoqchi bo‘lgan, biroq yig‘ilish to‘xtatilgan. 2022-yilda Ed Shiran “Shape of You” taronasining plagiat ishida g‘olib chiqdi va 1,1 million dollar tovon oldi.
Izoh (0)