Transport vazirligi huzuridagi Fuqaro aviatsiyasi agentligi aviakompaniyalarning mavjud bo‘lmagan reysi uchun aviachiptalar sotish holatlari uchrayotganidan ogohlantirdi.
Xususan, “Yamal” aviakompaniyasining 27-aprel sanasiga Qarshi aeroportidan parvoz uchun aviachiptalar sotilgani aniqlangan.
Fuqaro aviatsiyasi agentligi yo‘lovchilarga onlayn tarzda yoki aviakassalar orqali aviachiptalarni sotib olishdan oldin agentlik sayti bosh sahifasidagi “Axborot jadvali” bo‘limida (www.uzcaa.uz) ushbu parvozlarni amalga oshirish uchun so‘rovnoma holati va ruxsatnomaning mavjudligi bilan tanishib chiqishni tavsiya etdi.
“Yo‘lovchilarning huquqlari va tashuvchining majburiyatlariga rioya qilish maqsadida aviachiptalarni sotish bilan shug‘ullanadigan yuridik va jismoniy shaxslarni, xususiy aviakassalar va sayyohlik firmalarini ushbu talablarga rioya qilishga hamda O‘zbekistonga kelgan xorijiy mehmonlarga hamda vatandoshlarga noqulaylik tug‘dirmaslikka chaqiramiz”, — deyiladi xabarda.
Izoh (0)