Namangan viloyatidagi saylov uchastkalarida yangi tahrirdagi Konstitutsiya bo‘yicha referendumda ovoz berish jarayonlari davom etmoqda. Bu haqda “Daryo” muxbiri Azizbek Abduvaliyev xabar bermoqda.
Namangan shahridagi saylov uchastkalaridan birida 91 yashar Faxriddin ota Muhiddinov ovoz berdi.
“Jamoa xo‘jaligida uzoq yillar traktorchi bo‘lib ishlab, oilamni tebratdim. 6 o‘g‘il, ikki qiz, 46 nafar nabiram bor. Evara-chevaralarning sanog‘ida gohida adashib ham ketaman. Har gal saylov bo‘lganida erinmay o‘zim chiqaman, o‘rningizga chiqa qolaylik deyishsa ham ko‘nmayman”, — deydi otaxon.
U kishi yashaydigan Furqat nomli mahalla fuqarolar yig‘ini raisi Saodat Xolboyevaning aytishicha, otaxon saylov uchastkasiga kelayotganida pasportini unutib qoldirgan. “Sizni taniymiz-bilamiz, ovora bo‘lmang” deyishlariga ham qaramay, erinmay xonadoniga borib, pasportini olib kelgan va ovoz berishda ishtirok etgan.
Izoh (0)