O‘zbekistonda dam olish kunlari havo ochiq va quyoshli bo‘ladi

“O‘zgidromet” 29—30-aprel kunlariga ob-havo prognozini e’lon qildi.

Unga ko‘ra, dam olish kunlari mamlakat hududining katta qismida havo ochiq va quyoshli bo‘lishi kutilmoqda. Tog‘oldi va tog‘li hududlarda havo o‘zgarib turadi, qisqa muddatli yomg‘ir yog‘ishi, momaqaldiroq bo‘lishi mumkin.

Yakshanba kuni respublikning shimoli-g‘arbiy hududlari bo‘yicha shamol tezligi 18-23 metr/sekundgacha kuchayishi mumkin. Harorat kechasi 11-16 daraja, kunduzi 28-33 daraja atrofida bo‘ladi.

Toshkentda dam olish kunlari yog‘ingarchilik kutilmaydi. Shamol 3-8 metr/sekund tezlikda esadi. Harorat kechasi 13-15 daraja, kunduzi 29-31 daraja bo‘ladi.