Qahqadaryo viloyati Koson tumanida tadbirkor 14 ta kam taʼminlangan oilaga har birining qiymati bir mlrd so‘mdan ortadigan uy sovg‘a qildi . Bu haqda tuman hokimligi axborot xizmati xabar berdi.
Xabarga ko‘ra, Koson tumani “Yuqori obron” mahallasida zamonaviy 14 ta uy-joylar qurilib, foydalanishga topshirildi. Bu uylar 14 ta ehtiyojmand, nogironligi bor va kam taʼminlangan oilalarga bepul qurib berildi.
Mazkur uylar shaxsi sir qolishini xohlagan tadbirkor tomonidan oilalarga hadya qilingan. Maʼlum bo‘lishicha, turar-joylarning har biri qiymati 1 milliard so‘mdan oshadi. Uylar barcha jihozlar bilan ham taʼminlangan.
Avvalroq Surxondaryo viloyatida tadbirkor Ramazon hayiti kuni 40 ta ehtiyojmand oilaga uy hadya qilgan edi.
Izoh (0)