Ijtimoiy tarmoqlarda Qashqadaryo viloyati Kitob tumanida otaxon kaltaklanishi oqibatida hushidan ketib qolgani aks etgan video tarqaldi. Viloyat Ichki ishlar boshqarmasi axborot xizmati xabar berdi.
Xabarga ko‘ra, 2023-yil 13-aprel kuni soat 15:30 larda Kitob tumani “Guliston” mahallasida yashovchi U.E. bilan T.Q. o‘zaro janjallashib qolgan. Natijada T.Q. qo‘lidagi tayoq bilan U.E.ni urib, tan jarohati yetkazgan. Erkak shu kuni shifoxonada vafot etgan.
Holat yuzasidan Kitob tuman IIB huzuridagi tergov bo‘limi tomonidan olib borilgan dastlabki tergov davomida T.Q. jinoyat ishida Jinoyat kodeksining 104-moddasi (qasddan badanga og‘ir shikast yetkazish) 3-qismi “d” bandi (jabrlanuvchining o‘limiga sabab bo‘lish) bilan ayblanuvchi tariqasida ishtirok etishga jalb qilingan. Shuningdek, holat yuzasidan jinoyat ishi qo‘zg‘atilib, unga nisbatan qamoqqa olish tarzidagi ehtiyot chorasi qo‘llanilgan.
Izoh (0)