Muzlatkich ustiga qo‘yib bo‘lmaydigan buyumlar

Muzlatkichning yuqori qismiga ko‘pincha uy-ro‘zg‘or buyumlarini saqlash uchun qulay joy sifatida qaraladi. Biroq ba’zi narsalarni bu yerga qo‘yib bo‘lmaydi.

Yonuvchan narsalar

Tozalash vositalari, aerozol qutilari va spirtli ichimliklarni hech qachon muzlatkich yaqiniga va ustiga qo‘ymaslik kerak. Jihozdan chiqadigan issiqlik bu narsalarni yoqib yuborishi va kuyishga olib kelishi mumkin.

Shisha idishlar

Muzlatkich ustiga stakan tarelkalar va chashkalar qo‘yilmasligi kerak. Bu idishlar vibratsiya sababli osongina tushib ketishi va sinishi mumkin. Bu nafaqat ko‘p joyni egallashi, balki shikastlanish xavfini ham keltirib chiqarishi mumkin.

Og‘ir narsalar

Jihoz ustiga tova va kastryulkalar kabi og‘ir narsalarni qo‘ymaslik kerak. Ushbu elementlarning og‘irligi muzlatkichga zarar yetkazishi va uni buzishi mumkin.

Oziq-ovqat mahsulotlari

Muzlatkichning ishlashi natijasida hosil bo‘ladigan issiqlik oziq-ovqatning tezroq buzilishiga olib keladi. Bu, ayniqsa sifati tez buziladigan mahsulotlar: sut va go‘sht mahsulotlariga ta’sir ko‘rsatadi.

Gadjetlar

Elektron buyumlar — noutbuklar, planshetlar va smartfonlarni muzlatkich ustiga qo‘ymang. Jihozdan chiqadigan issiqlik gadjetlarga zarar yetkazishi va ularning noto‘g‘ri ishlashiga olib kelishi mumkin.

O‘simliklar

Xona o‘simliklarini muzlatkich ustida saqlab bo‘lmaydi: yorug‘likning yetishmasligi, haddan tashqari issiqlik o‘simliklarning qurib ketishiga va tez nobud bo‘lishiga olib keladi.

Qog‘ozdan yasalgan narsalar

Kitoblar, jurnallar va muhim hujjatlarni muzlatkich ustiga qo‘ymaslik kerak. Issiqlik va namlik qog‘ozning burishishi, rangi o‘zgarishi yoki yomonlashishiga sabab bo‘ladi.