2023-yil 05-aprelda Fitch Ratings xalqaro reyting agentligi “SQB Insurance sug‘urta kompaniyasi” aksiyadorlik jamiyatiga sug‘urtalovchining moliyaviy barqarorligi bo‘yicha “BB-” darajadagi “Barqaror” prognozli reyting berdi. Ushbu reyting “SQB Insurance SK” AJ majburiyatlarini o‘z vaqtida va to‘liq bajarish qobiliyatiga ega ekanidan dalolat beradi.
O‘zbekiston sug‘urta bozoridagi eng faol va barqaror o‘sib borayotgan kompaniyalardan biri bo‘lgan “SQB Insurance SK” AJ bugungi kunda yuridik va jismoniy shaxslarga 60 dan ortiq sug‘urta xizmatlarini taqdim etmoqda.
Kompaniyada shakllantirilgan Ustav kapitali, sug‘urta zahiralari hamda sug‘urta tavakkalchiliklarni, aktivlarni samarali boshqarish tizimi, qayta sug‘urtalash mexanizmlari kompaniyaning moliyaviy barqarorligini yuksalishiga xizmat qilmoqda.
2022-yil yakunlari bo‘yicha kompaniya aktivlari 131,1 foizga, Ustav kapitali 117,9 foizga, investitsiya qo‘yilmalari 133,9 foizga oshib, 13,4 mlrd so‘m miqdorida sof foyda olishga erishildi. Kompaniya kapital rentabelligi (ROE) 31,9 foizni va aktivlari rentabelligi (ROE) 9,2 foizni tashkil qildi. Mazkur moliyaviy ko‘rsatkichlar sug‘urta bozoridagi o‘rtacha moliyaviy ko‘rsatkichlardan yuqori hisoblanadi.
“SQB Insurance SK” AJ qayta sug‘urtalash borasida ham katta tajribaga ega bo‘lib, mahalliy va xalqaro sug‘urta va qayta sug‘urta kompaniyalari, sug‘urta brokerlari bilan hamkorlik aloqalarini o‘rnatgan. Buning natijasida 2022-yil bo‘yicha kiruvchi qayta sug‘urta mukofotlari hajmi 127,8 foizga o‘sib, 13,8 mlrd so‘mni tashkil qildi.
Kompaniya milliy sug‘urta bozorida o‘z o‘rniga ega bo‘lish va istiqbolda uni yanada rivojlantirish maqsadida, IT-texnologiyalarni qo‘llagan holda masofaviy sug‘urta xizmatlarini ko‘rsata boshladi. Bu esa mijozlarga bir qator yengillik va qulayliklar yaratdi. Ko‘rsatilayotgan sug‘urta xizmatlarining sifati, Kompaniyaga milliy va xalqaro reyting darajasini oshirishga xizmat qildi.
Fitch Ratings reyting agentligi tomonidan berilgan “BB-” xalqaro reytingi kompaniyaga biznesni kengaytirish, sug‘urta xizmatlari eksportini oshirish, xalqaro qayta sug‘urtalash bozoriga kirish hamda yangi mijozlarni jalb qilishda yangi imkoniyatlarni ochadi.
Quyidagi ilova orqali reyting bilan tanishishishgiz mumkin: www.fitchratings.com
Reklama huquqi asosida.
Izoh (0)