Xorijda turli sohalarda, dunyoning eng ko‘zga ko‘ringan, global miqyosda mashhur korxonalarida, tashkilotlarda muvaffaqiyatli ish olib borayotgan, o‘zbek yoshlariga namuna bo‘la oladigan vatandoshlarimizni bir global maydonda birlashtirishni o‘z oldiga maqsad qilib qo‘ygan Uzbekistan’s club onlayn platformasi o‘z faoliyatini boshladi. Bu haqda loyiha jamoasi ma’lum qildi.
Muvaffaqiyat qozongan o‘zbekistonliklar dunyoda juda ko‘plab topiladi. Ammo ularni birlashtirib turuvchi yagona platforma shu kunga qadar yaratilmagan edi. Shularni inobatga olib jamoa shu kabi odamlarni birlashtiruvchi va O‘zbekiston bilan aloqalarda ko‘prik sifatida xizmat qiluvchi platformani yaratdi. Platformaning maqsadi ushbu maydonni o‘zbekistonliklarning aqliy salohiyati xabiga aylantirishdan iborat.
Yangi ishga tushirilgan sayt bugungi zamonaviy talablarga to‘liq javob beradi. U yerdan siz platforma haqida, jamoaning barcha loyihalari, kelgusidagi rejalari va eng so‘nggi yangiliklari bilan tanishib borishingiz mumkin bo‘ladi.
Endilikda Uzbekistan’s club platformasi orqali dunyoning turli mintaqalarida faoliyat olib borayotgan o‘zbekistonnliklar ro‘yxatdan o‘tishi va o‘zlari haqidagi ma’lumotlarni yozib qoldirishlari mumkin. Bu orqali ular barcha muvaffaqiyatli o‘zbekistonliklarni bir joyga jamlagan global xab a’zosiga aylanadi.
Uzbekistan’s club jamoasini O‘zbekistonning yirik kompaniyalari qo‘llab-quvvatlab kelmoqda. Jumladan, Pepsi savdo belgisi, Uzbekistan Airways aviakompaniyasi Ucell aloqa operatori, Anorbank va Orient Group kompaniyalari loyihani qo‘llab-quvvatlab, ularga turli ko‘rinishda ko‘mak berib kelmoqda.
Izoh (0)