Tvorog qo‘shilgan pechenyelar nozik ta’mi bilan barchani o‘ziga rom etadi. Uni o‘zingizga yoqqan kremdan ham tayyorlasangiz bo‘ladi.
Kerakli masalliqlar:
- un — 300 g;
- shakar kukuni — 2 osh qoshiq;
- pishiriq kukuni — 1 choy qoshiq;
- tuz — yarim choy qoshiq;
- sariyog‘ — 180 g;
- smetana — 150 g;
- tvorog — 250 g;
- tuxum sarig‘i — 1 dona;
- vanilin — 1 choy qoshiq;
- shakar — 2 osh qoshiq;
- qora shokolad — 50 g.
Tayyorlanishi:
- Unni shakar kukuni, pishiriq kukuni va tuz bilan aralashtiring. Sariyog‘ni kub shaklida kesib oling va un qo‘shib aralashtirib oling;
- Smetana qo‘shib yumshoq xamir hosil qiling. To‘pchalar hosil qilib, plastik o‘ramga o‘rang va 30-40 daqiqa davomida muzlatkichga qo‘ying;
- Tvorogni elakdan o‘tkazib unga tuxum sarig‘i, vanillin va shakar qo‘shib aralashtiring;
- Pechni oldindan 190 daraja haroratda qizdiring. Listni pishirish qog‘ozi bilan yoping;
- Xamirni 15-20 ta teng qismga bo‘ling. Har birini cho‘zilgan ovalga aylantiring. Xamirning o‘rtasiga 1-2 choy qoshiq tvorog qo‘ying;
- Chetlarini chuchvara tuggandek qatlang va bosing. Chetlarini tekislab o′rta qismini dumaloq shaklga keltiring;
- Xamir uchlarini bosib, yarim oy shaklidagi xamirni hosil qiling. Shu tarzda boshqa pechenyelarni ham yasab oling;
- Listga pechenyelarni terib chiqing, ularni qizargunga qadar 20-30 daqiqa davomida pishiring, so‘ngra to‘liq sovutib oling;
- Qora shokoladni eriting. Pechenyelarning bir uchini unga botirib oling.
Yoqimli ishtaha!
Izoh (0)