Gollivud yulduzi Kianu Rivz “Jon Uik-4” filmining suratga olish jarayonlarida unga yordam bergan kaskadyorlarga noodatiy tarzda minnatdorchilik bildirdi. Aktyor maxsus suvenirlarga buyurtma bergan. Nyu-York Times gazetasining yozishicha, u kaskadyorlarga ekranda vafot etgan insonlar soni yozilgan esdalik futbolkalarini hadya qilgan.
Filmning asosiy sahnalaridan biri Sakre-Ker Bazilikasiga olib boradigan zinapoyadagi jang epizodi hisoblanadi. Bu sahna yetti kecha suratga olingan. Kaskadyorlarning har biri bu sahnada taxminan 4-5 martadan “o‘lgan”. Ular sahna jarayonlarini yaratish paytida yengil jarohat olgan.
“Bir nechta zarba va ko‘karishlar bor, biroq miya chayqalishi bo‘lmadi”, — deydi kaskadyor koordinatori Skott Rojers.
Ma’lumot uchun, “Jon Uik” filmi Kianu Rivz ishtirokidagi jangovar franshiza hisoblanadi. U rafiqasi vafot etganidan itining o‘limi uchun qasos olishga qaror qilgan iste’fodagi qotil haqida hikoya qiladi. Bu qasos butun dunyo bo‘ylab yollanma askarlarni boshqaradigan maxfiy tashkilotga qarshi ochiq urushga aylanadi. Franshizaning to‘rtinchi qismi qotil Uik (filmda ushbu rolni Kianu Rivz ijro etgan) va uning kuchli, yangi dushmani (Bill Skarsgard gavdalantirgan obraz) o‘rtasidagi qarama-qarshilik haqida.
Izoh (0)